Cielo, mare, sole, parole che a Napoli realizzano l’Estate; elementi vivi nel contesto umano e poetico di un popolo che vive nel fuoco, nel caos, nell’allegria, e per questo necessita di una stagione che faccia da cornice alla sua sempre verde caratteristica.
L’estate è sinonimo di apertura nella poesia Napoletana, in estate infatti nascono gli amori, i corteggiamenti, tutto ciò che serve all’invenzione dei poeti per scrivere grandi capolavori.
Ecco una raccolta di poesie dedicate al sole, al mare, all’estate, poesie del sottoscritto di autori vari che hanno incontrato anche nell’ironia, un modo serio per esprimere la propria arte.
Bagno Elena, Napoli
Intermezzo d’Agosto “Ernesto Murolo”
Cuntrora d’Austo pe’ viche s’arrostano e addorano ‘e spiche,
l’asfardo se scuaglia p’ ’a loggia ‘nfucata,
s’ammesca ‘o prufumo da sovera acerva,
c’ ’o senzo asprulente ‘e cunzerva,
e addore d’ ‘e panne ‘e culata,
l’ammore do sole cchiù ardente,
chest’afa ‘e calore nun sente,
Ciccillo è venuto in licenza â matina,
mo ‘a gnora ‘e cuntrora se stona e appapagna,
Ciccillo se magna cu l’uocchie a Nannina,
Nannina cu l’uocchie s’ ’o magna,
S’azzeccano ‘e segge vicino,
‘e dete se ‘ntrecciano ‘nzino,
dic’essa tuccannolo ‘mpietto c’ ‘a mano,
“t’accoglie ‘a ferita quann’uno te tocca?”
Notte D’Austo “Rocco Galdieri”
P’ ’o càvuro, ’a notte, te mine d’ ’o lietto;
t’affacce a ’o barcone,
strignennote ’mpietto.
E i’ penso, ’a rimpetto:
«M’ha vinto? Chi sa?!»
Ma tu nun me vide!
Nun pensa ’stu core,
ca i’ ll’uocchie nu’ ’nzerro;
nun già p’ ’o calore…
gnernò! Ma p’ ’ammore,
che chesto mine fa!
Risciata!… Ca ll’aria
d’ ’a notte fa bbene!
Io ’o ssaccio, che tengo
’nu fuoco p’ ’e vvene!
E ’o ssape chi tene
’na smania ’e murì!
Suspira! Rummane
vicino ’a ringhiera!
Nun già comm’ ’o juorno,
nun già comm’ ’a sera…
Che faie chella cèra,
pecché ’nce stongh’i’!
Ah!… Comme è sserena
’sta notte d’Austo!
Mo’, for’ ’o barcone,
può sta senza busto…
pecché nun daie gusto
a… chi n’ ’o buò dá!
Pecché tu nun piense
ca chi sta rimpetto,
’a notte, ogne notte,
p’ ’ammore a dispietto,
nun vede cchiù ’o lietto,
che cchiù nun se fa!
Ma!… Si t’ ’o ppenzasse,
ca chesto mme resta!
Ca i’ stongo, ogne notte,
vicino ’a fenenta,
areto a ’na testa,
chiagnenno, pe’ te…
Si tu… t’ ’o ppenzasse…
che… passano ll’ore;
e i’ stongo, ogne notte,
scecato, p’ ’ammore…
murisse ’e calore,
pe’… nun se vedé!
Raggio ‘e sole “Raffaele Viviani”
‘A matina
c’arapo ‘o balcone
me trase ‘a staggione
p’ ‘a casa e risciato.
N’aria fina,
n’addore ‘e limone:
m’affaccio e ‘o purtone
sta ancora ‘nzerrato.
Che se sente,
s’allarga ‘o rispiro.
M’avoto, me giro,
m’arracquo ‘e vviole.
Lentamente
se ‘nfìamma l’aurora
e ‘a casa se ‘ndora
p’ ‘e ragge d’ ‘o sole.
Che splendore
p’ ‘a stanza lucente,
che vuo’ tene’ mente
spicchiere e cristalle?
P’ ‘o lustrore
riflesse e scentille
mo rosse, mo lille,
mo verde, mo gialle.
Prete fine:
migliare ‘e culure
p’ ‘e trave, p’ ‘e mmure,
pe’ terra ‘e rriggiole.
So’ turchine
zaffire e diamante,
ricame ‘e brillante
pe’ coppa ‘e llenzole.
Che ricchezza
stu sole ce manna;
ma appena s’appanna
s’ ‘e torna a purta’.
‘A priezza
se fa nu squallore,
e ‘a luce d’ ‘o core
cchiù scura se fa.
E accussì
tutte ‘e notte io te veco,
che suonno, che spreco
scetato ‘int’ ‘o scuro.
Appari’
p’ ‘e parete d’ ‘a stanza
vicina, a distanza,
lucente ‘int’ ‘o muro.
‘A nu vano
sparisce e riappare,
rituorne e scumpare
cchiù lustra ‘e na fata.
Chianu chiano
do’ ‘a luce e p’ ‘o lietto
nun trovo arricietto
pe’ tutta ‘a nuttata.
Si venisse
cu l’uocchie lucente,
che vuo’ tene’ mente
spicchiere e cristalle.
Vedarrisse
riflesse e scentille
mo rosse, mo lille,
mo verde, mo gialle.
Spannarrisse
migliare ‘e culure,
p’ ‘e trave, p’ ‘e mmure,
pe’ coppa ‘e rriggiole.
Purtarrisse
p’ ‘a casa ‘o chiarore
cu ‘o stesso bagliore
d’ ‘e ragge d’ ‘o sole.
Si trasisse,
chiudesse ‘o balcone:
trasesse ‘a staggione
cu tutta ‘a fragranza.
Si venisse,
che festa, che sole
pe’ coppa ‘e llenzole.
Che luce p’ ‘a stanza!
‘O tre piezze “Giulio Pacella”
Na vota quann’ ‘a ggente ieve ô bagno,
se ntabbarrava ‘e ciento pezzecaglie,
custume a mmeza coscia, buste e paglie,
e nu mbrellino pe’ scanzà, ‘abbafuogno.
Dint’ ‘o sissanta c’erano ‘e duie piezze,
‘o viecchio barracano, nu lunzuolo,
sparette all’intrasatta e che cunzuolo,
quann’aria e sole deveno carezze.
Verso ‘o nuvanta,
ascette ‘o miezo piezzo,
sulo nu tanga senza cchiù cumplesse,
e ‘a cosa scetaie cchiù ‘e nu verrizzo,
mo stanno già penzanno ‘o fatto è bello,
a nu tre piezze ô posto ‘ ‘o toplesse,
sultanto ‘e llente, ‘e zuoccule e ‘o cappiello
N’ata estate “Giulio Mendozza”
Torna ‘a vì ccà, ritorna n’ata estate,
n’afa ‘e calore ca t’abbruscia ‘a vita.
Manco chist’anno ‘e cose so’ cagnate,
pure chist’anno scotta sta ferita.
‘O calore ‘ammuina ‘e frennesia,
nun songo adatte pe’ chi tene ‘o mmale,
si se sanasse sta ferita mia,
io turnarria cumm’ero, tale quale.
Ma me strazia, m’accoglie, me fa male,
e ‘o calore cchiù forte ‘a fa scuttà,
venesse ‘na tempesta ‘e tempurale,
no, ca nun vene, e i’ ch’ ‘o ddico a ffa?!
‘O sole “Ferdinando Russo”
‘O sole pe’ dint’ ‘o ciardino,
iucava ‘a parmosa cu ‘e rrose,
tu, ‘ncoppa a nu lietto de fronne addurose,
cchiù bella d’ ‘o sole, parlave cu me.
Ricuorde che squase d’ammore?
Ricuorde che vase nfucate?
Ricuorde? ‘A catena d’ ‘e ricce mbrugliate,
m’aveva attaccato stu core pe’ te.
Carmela cchiù doce d’ ‘o mmele,
cu st’uocchie ‘e velluto m’accire,
ma tu me redive cu chill’uocchie nire,
e ‘o sango da ‘e vvene facive sparì.
Iucava ‘a parmosa cu ‘e rose,
‘o sole pe’ dint’ ‘o ciardino,
io, tutto ncantato te stevo vicino,
e tu me vasave dicenno ca sì.
‘O mare “ Eduardo de Filippo”
O mare fa paura
Accussì dice ‘a ggente
guardanno ‘o mare calmo,
calmo cumme na tavula.
E dice ‘o stesso pure
dint’ ‘e gghiurnate ‘e vierno
quanno ‘o mare
s’aiza,
e l’onne saglieno
primm’ a palazz’ ‘e casa
e pò a muntagne.
Vergine santa…
scanza ‘e figlie ‘e mamma!
Certo,
pè chi se trova
cu nu mare ntempesta
e perde ‘a vita,
fa pena.
e ssongo ‘o primmo
a penza’ ncapo a me:
Che brutta morte ha fatto
stu pover’ommo,
e che mumento triste c’ha.
Ma nun e’ muorto acciso.
È muorto a mmare.
‘O mare nuna cide.
‘O mare è mmare,
e nun ‘o sape ca te fa paura.
Io quanno ‘o sento…
specialmente ‘e notte
quanno vatte ‘a scugliera
e caccia ‘e mmane…
migliara ‘e mane
e braccia
e ggamme
e spalle…
arraggiuso cumm’e’
nun se ne mporta
ca c’ ‘e straccia ‘a scugliera
e vveco ca s’ ‘e ttira
e se schiaffea
e caparbio,
mperruso,
cucciuto,
‘e caccia n’ata vota
e s’aiuta c’ ‘a capa
‘e spalle
‘e bracce
ch’ ‘e piede
e cu ‘e ddenoccie
e ride
e chiagne
pecché vulesse ‘o spazio pe’ sfuca’…
Io quanno ‘o sento,
specialmente ‘e notte,
cumme stevo dicenno,
nun e’ ca dico:
‘O mare fa paura,
ma dico:
‘O mare sta facenno ‘o mare.
Estate “Ivan Tudisco”
L’estate tira fore ogne cosa,
si’ sî ‘nnammurato,
sî ‘nnammurato doie vote,
è nu segreto ca nun tene pecchè,
sî è, è,
succede pe’ succedere,
e senza ce credere te siente comme n’ato.
L’estate a Napule se chiamma staggione,
pecchè s’ ‘e braccia a tutte quante,
e sî vide sta sempe ‘int’a na canzone,
è na curnice d’oro pe’ tutte l’amante.
‘O cavero “ Ivan Tudisco”
Torna cchiù cavero ancora l’està,
te spuoglie, te susce attuorne,
ma nce sta niente ‘a fa,
sempe è cavera l’aria ca te torna.
E già, ce n’amma i’ a mare,
pe’ truvà frisco dalla nobile calura,
ma i’ nun c’ ‘a faccio a sopportare,
‘o sudore, pe’ nu poco ‘e abbronzatura.
