In amore, un innamorato o innamorata, dice di solito ti amo, al proprio amato, ma a Napoli si usa dire te voglio bene, per la diversità della lingua, che trova più armonioso adoperare questa frase. Il bene per un amante Napoletano, non è il bene della lingua Italiana, dal senso affettuoso, ma un bene che raccoglie tutte le forze della passione e dell’ anima, e le confluisce nella persona amata.
Te saccio
Io nun songo n’ estraneo,
me cunusce.
Tiene ‘o musso stuorto,
e sî pure faie ‘o pizzo a riso,
me n’ aggio accorto.
Io te saccio,
nun me puó mbruglià,
te voglio bene,
e ‘o ssaie ca’ cu’ me può parlà.
Nun dà retta a chi te parla ‘e me,
‘o ssaie ‘a malalengua che pó fa;
crire a chello ca’ te dice ‘o core,
sul’isso te po’ dicere ‘a verità.
N’ammore nun nasce pe’ sbaglio,
e nisciuno è capace do’ fermà,
sî tu pure ce crire a sta cosa,
arape sta vocca e fatte vasà.
Passato
Nun è overo ca’ t’aggio scurdata,
nun è overo ca’ nun t’aggio mai amata,
é na malatia ca’ nun me vô lassà,
se chiamma passato,
e sapisse che male che fa.
Ogni tanto me vene a truvà,
senza ca’ io ce dong’ ‘o permesso,
e m’arricorda chello ca’ voglio scurdà,
e a te pare ca’ nun songo maie ‘o stesso.
Ma io te giuro ca’ te voglio assaie bene,
sî nun me crire tuocche stu core,
nun è acqua ca scorre ‘int’ a sti vene,
ma so’ lacreme cavere d’ammore.
‘A cumpagna mia
Ah quant’è bello a fa ammore cu’ te,
nennaré ma addò t’aggio truvata?
Tu sî nata pe’ sta ‘nzieme a me,
e io me sento accussí furtunato.
Chistu bene ca’ tengo pe’ te,
nun è sentimento affatato,
l’ammore ca’ sento pe’ te,
io t’ ‘o giuro nun l’aggio ‘nventato.
Cchiú te penso e cchiú me vene ‘e sunnà,
e te veco ‘nzieme a me a fa âmmore,
ma nun è sulo pecché te voglio tuccà,
pecché a sta ‘nzieme è na cosa ‘e core.
‘A cchiú bella
Tu sî ‘a cchiú bella,
ma cchiú bella nun solo pe’ Dio,
sarrà sta luna oppure sti stelle,
ma cu’ te me sento bello pur’ io.
Tu ca’ me sî piaciuta senza fa coccosa,
tu ca’ quanno ce staie,
me faie ‘nnammurà ‘e tutto cose,
‘o bene te dico saie qual è?
È quanno te penso quanno nun ce staie,
e te veco ccà ‘nzieme a me.
Tu sî ‘a cchiú bella,
ma ‘a cchiú bella pe’ me;
sarrà sta luna ca’ t’accarezza ‘a pelle,
ma cchiú te voglio e cchiú te voglio vulé.
