Uno speciale saluto ai lettori di Qui Campi Flegrei, in questo articolo ho reso pubbliche quattro mie nuove poesie in lingua Napoletana, l’ultima è dedicata a Vincenzo Migliaro, noto pittore, scultore e incisore Napoletano, padre, si può dire, della pittura Napoletana, rappresentante dei colori fondamentali che reggono la città, Migliaro riflette l’anima di Napoli e dei Napoletani, ne raffigura le strade, i dolori, i sapori, l’allegria, e tutto con la sua arte immensa. Vi auguro una buona lettura.
Cerasella
Cerasella Cerasella,
tiene ‘a faccia chin’ ‘e stelle,
quanta vase tiene ‘mmocca,
doce rose a schiocca a schiocca,
t’annascunne e te ne trase,
pe’ te piglià chist’atu vase,
Cerasella Cerasella,
sî de’ femmene ‘a cchiù bella.
Ammore a mare
Piscatore ca guarde stu mare,
vide buono si’ torna Maria,
si’ ‘na luce ‘a luntano accumpare,
si’ fennesse accussì sta malincunia.
Doce l’onne se fermano vicino,
comme n’amico ca te vò cunzulà,
i’ te cerco ma è luong’ ‘o cammino,
forze ‘o mare nun te vô a me purtà.
Piscatore vott’a mare sta rezza,
ca coccosa può ancora piglià,
‘nzieme a te io ce votto sta tristezza,
è capace ca ‘o mare ‘a fa turnà.
Pullecenella e Napule
Pullecenella canta e sona,
falla scetà a sta gente,
chi tene ‘o grano nun se n’addona,
‘e chi sta muscio e nun tene niente.
Voce voce, appiccia sta gloria,
ccà ‘a gente s’è scurdata,
‘e tutta chell’arte ca fatto ‘a storia,
e mo è addiventata ‘na cosa ‘e n’ata.
Pullecenella voc’ ‘e ‘na vota,
pigliala ‘e faccia sta brutta jurnata,
addimannalo a Dio c’ ‘a vita è ‘na rota,
Napule se sta scetanno, ‘a vita è turnata.
Enzo Migliaro
Nun’è arte è puisia,
si’ na scienza ca nun tene fine,
è tutt’overo nun è fantasia,
so’ arte ‘e Migliaro, cose sopraffine.
Un’opera di Vincenzo Migliaro
Nell’augurarvi una buona vita, vi do appuntamento al prossimo articolo, non prima di ricordarvi le mie pubblicazioni: Come fiori in attesa della primavera, raccolta di poesie e aforismi in lingua Italiana, in cartaceo ed ebook nelle maggiori librerie online, e il romanzo: Gente di Pianura, in ebook sempre nelle maggiori librerie online.
