Vi accompagno con i miei versi in lingua Napoletana, in un viaggio a ritroso nell’area Flegrea, ai tempi della Magna Grecia e dell’occupazione Romana, visitando con l’aiuto del poeta Virgilio, quei luoghi anche a lui cari, in un percorso favolistico che ha lo scopo di ricordare le radici del nostro popolo, così bisognoso di riappropriarsi di quella gloria.
Me truvaie all’intrasatta cammenanno pe’ l’Averno,
comme nu suonno me truvaie senza nu mutivo,
nu fummo niro p’ ‘o lago saglieva e pareva vierno,
po’ na faccia se vedette, quase nera p’ ’o currivo.
So’ pueta, so’ scrittore, Virgilio me chiammavo,
a te so’ mannato pe’ te mustrà la via,
do’ passato ‘e chesta zona ch’io tanto amavo,
pecchè tu nun crerisse ca fosse sulo fantasia.
Oh Giesù che staie dicenno?
Sî Virgilio, chillu là?
Eh sì te sto vedenno,
nun è suonno chistu ccà.
Vieni meco omo mortale,
ca te porto addo’ ce sta,
valicando quel portale,
‘a storia vera ‘e sta città.
Me truvaie cu isso ‘mmiez’ ‘o fummo do’ portale,
e quann’ascette, e che ce sta!
Nu munno ‘e gente antica, “ma non è normale!”
Ma ‘o pueta me dicette: chesta è Cuma, è verità.
Cuma antica
‘A città era bella assaie,
templi ‘e marmo e gente acculturata,
‘a lengua era diversa, Greca me cuntaie,
‘o pueta ca me guidava comme n’anima affatata.
Virgilio me purtaie pô tiatro e pô mercato,
me cuntaie tutt’ ‘a storia ‘e chella granda città,
me sentevo assaie orgoglioso e nu poco emozionato,
e ienno a Napule dicette: “ po’ ’a Cuma, venetteno ccà”.
Monte Echia, primo insediamento Cumano a Napoli
‘Ncoppa pizzofalcone ‘e Cumane ietteno,
vicin’ ‘o mare, ‘nterr’ a’ rena,
n’ata città llà facetteno,
dannoce ‘o nomme ‘e ‘na sirena.
Partenope era grossa, bella comme nu surriso,
pareva ‘e sta ad Atene tant’era assaie preziosa,
Neapolis Greca
‘e femmene parevano na schiocca ‘e paraviso,
cu ‘e veste ianche ‘e lino c’adduravano ‘e rosa.
Puete a ogne parte cantavano canzone,
filosofe e studiose se parlavano all’agorà,
ogne cose ‘e chillu posto te lassava n’emozione,
ogne cose t’ammaestrava senza te parlà.
Teatro Greco – Romano, inglobato dagli edifici del centro storico
Ma Virgilio me dicette: iammuncenne cchiù ‘a llà,
pecchè ‘o populo se spustaie ‘a na parte cchiù reparata,
pe’ se pruteggere dȇ nemici facetteno n’ata città,
Nea polis ‘a chiammavano, cchiù bella e rinforzata.
Mura Greche, piazza Bellini a Napoli
Napule antica tu si’ nata Greca e guerriera,
e pure quanno Roma te mettette ‘int’all’impero,
sempe ‘a stessa si’ rimasta, sempe vera,
comm’ ‘o Dio ca t’ha criata, chillo buono e sincero.
Po’ ‘o pueta me purtaie vicino a Napoli,
a nu posto addo ‘e re, ieveno a villeggià,
na piccola Roma pareva Bacoli,
puorte ‘e l’impero, perla ‘e rarità.
Ricostruzione del ninfeo Romano di Baia
All’intrasatta me truvaie a Puzzule ‘a cammenà,
me pareva ‘e sta a Roma pe’ la granda sumiglianza,
che bellezza assapuraie, quanta immensa maestà!
Me sentette ‘e fa n’inchino come segno di creanza.
Ricostruzione di Pozzuoli Romana
Ma turnanno pe’ l’Avierno, Virgilio me ammunette:
guarde buono tu che noti tutta chesta meraviglia,
che ‘a memoria nun se scorda tutto chello ca vedette,
ma facesse bona scorta e s’ ‘a crescesse comme na figlia.
Me truvaie po’ sul’io all’Avierno ‘int’ ‘o presente,
cu nu core convertito pe’ le grazie ca vedette,
me sentivo forte e fiero ‘e appartenè a chesta gente,
ringrazianno a chillu Dio, ca Napulitano me facette.
